Gələcəyini Qur Layihəsi
Gələcəyini Qur
“Gələcəyini Qur!” nədir?
“Gələcəyini Qur!” Azərbaycan Respublikasının Təhsil Nazirliyinin dəstəyi ilə fəaliyyət göstərən və bir sıra yerli və xarici şirkətlərin korporativ sosial məsuliyyət siyasəti çərçivəsində həyata keçirilən gəncliyə dəstək layihəsidir.
Layihənin məqsədi
Layihənin əsas məqsədi aztəminatlı ailələrdən olan yüksək bilik və bacarığa malik gənclərin həyatda uğur əldə etmələrinə dəstək və tövhə vermək və bununla Azərbaycan cəmiyyətinə yüksək intellekt və etik dəyərlərə malik sağlam düşüncəli gənclər qazandırmaqdır.
Layihənin əhatəsi
• Bakı: Binəqədi, Qaradağ, Nizami, Nərimanov, Nəsimi, Pirallahı, Sabunçu, Suraxanı, Səbail, Xətai, Xəzər, Yasamal rayonları
• Regionlar: Ağdaş, Hacıqabul, Kürdəmir, Ucar, Yevlax
Layihənin əsas fəaliyyət istiqamətləri
- Ali Məktəbə intensiv hazırlıq:
Layihəyə seçilmiş şagirdlər ölkənin aparıcı ali təhsil məktəblərinə qəbul olmaları üçün 1 il ərzində xüsusi hazırlıq kurslarında bilik və bacarıq səviyyələrini yüksəldəcəklər. Layihə çərçivəsində dərslər Kainat Tədris Mərkəzi tərəfindən təşkil olunur.
- Hərtərəfli inkişaf üçün müxtəlif tədbirlər:
Layihə müddətində şagirdlərin hər tərəfli fərdi inkişafı və karyeralarını planlaşdırmaları üçün müxtəlif təlimlər, ölkəmizin aparıcı universitetlərində seminarlar və təqdimatlar, özəl şirkətlərə və beynəlxalq sərgilərə səfərlər, uğur qazanmış gənc nəslin nümayəndələri ilə görüşlər və bənzər tədbirlər nəzərdə tutulmuşdur.
- Psixoloji dəstək
Layihənin iştirakçıları individual və qrup sessiyalarında professional psixoloji dəstək alırlar
“Gələcəyini Qur!” layihəsi haqqında ətraflı məlumat üçün http://geleceyiniqur.az/az/
Bu günə qədər:
- 510 gənc və onların ailələri layihənin tədbirlərindən faydalanmışdır
- Onlardan 488-i tələbə adını qazanmışdır
Ən son, 4-cü ilimizin nəticələri:
- Layihədə iştirak etmiş 213 nəfər gəncdən 202-i ali məktəbə, 5-i isə kolecə qəbul olmuşdur
- 21 nəfər qəbul imtahanında 600-dən yuxarı bal toplamışdır
- 67 nəfər qəbul imtahanında 500-dən yuxarı bal toplamışdır
- Layihənin ən yüksək 3 nəticəsi:
- Vüsalə Ələkbərova (Bakı): 695 bal
- Elnarə Həsənova (Kürdəmir): 690 bal
- Nazpəri Əmənova (Səlyan): 685 bal